هزمتني همسه من شفتيها >> رواية رومانسية مشوقه

ريم وهي تقتحم الغرفة بدون أحم : مبروووك ياقلبي كلللووووويشششششششش
ياسمين وتودرت خدودها : ................
جواهر يالله تسحب بطنها وتحظن ياسمين : مبروك ياقلبي والحمدالله ربي أستجاب لدعواتي
ياسمين : الله يبارك فيك

دخلت الخاله مريم ويوم طحت عينها بعين ياسمين بكت ركضت ياسمين عليها تهديها
ياسمين : ليه ياخاله البكي

الخاله مريم : كنت خايفه تروح من يدي بس الحمدالله ربي أستجاب لدعواتي ورحم محمد وفقه بالدرة
ياسمين نزلت رأسها وتودردت خدودها بالحمرة

ريم : أووووووووووو بدين نستحي من قدك خذيتي واحد يحبك وهله يحبونك وبعد تعرفين عنه كل شي حتي رقم تي شرته ماحست ألي بالمخدة على رأسها من أختها

جواهر : يابنت أستحي ماتحشيمين حدا
ريم : اففففففففف صدق حشريه وانتي شكوا أحد جاك لها لسان يدافع عنها
جواهر وهي تمسك يدا ياسمين ألي خلاص تتمني الأرض تنشق وتبلعها من الفشيله : مرضي عليها مرت أخوي وحبيبت الغالي
الخاله مريم تضحك : يعني بتكحلينها عميتها سكت يوم حست بالاحراج ياسمين باستها على رأسها وسحبت جواهر معها أما ريم فأول ماشفتهم نزلوا من الدرج أرجعت لخلف دراا وطيران لياسمين

ياسمين لاتسالون عن حاله بين الفرح والخوف دخلت ريم الغرفة وشفتها منسدح وعيونها على السقف
ريم : لالا بيدينا بالسرحان وقربت وقعدت عندها
ياسمين بصوت حالم : هااااااااااااااا
ريم : لا الحالة صعبة يالله قولي بسرعة

ياسمين تعقدة حواجبها : أنتي ماتزهيقين ماكان بيني وبين محمد شي أففففف
ريم : افففين بعد لا حبيبتي أبي أخبار عيال عمك لاحق على سوالف محمد أنت عندنا والأيام طوال
ياسمين بجدية وفرح : عيال عمي أه من عيال عمي تدرين أول مرة أحس أني قويه

ريم : بنط لسؤال الثاني وبجاوب عليه طول عمرك أنتي قويه والدليل تقبلك الصدمة بلي صار لهلك لوحده ثانيه كانت بمستشفي المجانين تعالج نفسها
ياسمين تضربها على رأسها : بسم الله علي

ريم : وجع لاتضربيني على رأسي أضرب أي شي ألا رأسي المهم فسري أه من عيال عمي لهدرج حلوين
ياسمين : وهذا ألي هامك أي حلوين بوبدر أسمر وملامحه هادية مثل أخوي ثامر الله يرحمة تحسين

بالرحة يوم تشوفينه أما أحمد سبحان الله عبدالله الله يرحمة عيونه المكحلة وخشمة المسلول مثل السيف وأبتسامت أحلا شي أبتسامت تدخل القلب بسرعة
ريم: لا وين محمد عنك

ياسمين : وخير ياطير عيال عمي
ريم : حتي أنتي لو تشوفين حالته يوم خلك بروحك معهم ماغير رايح وجاي من المجلس تقول مقروص


أستحت ياسمين من فكرة طرت بالها : المهم نكمل تخيلي غيبتهم كل هالوقت كانت بسبت الحرب
ريم : حرب وش جاب الحرب عندهم

ياسمين : عيال عمي صح أنهم عايشين في جوهانسبرغ بس وظيفتهم هو بناء القرى الفقيرة شكلهم توغلو بأفريقيا كثير وصارت الحرب بين دول هناك وكان بنص المعمه ومقدرو يطلعون الا برحمت ربي

ريم : لا الحمدالله على سلامتهم يالله كملى والباقين
ياسمين : أي باقين

ريم : مو هم أربعه باقي أثنين
ياسمين : اي وليد وعبدالله

ريم : أي ولو أني ماعرفهم
ياسمين : خبله مدري ألي عرفه أته وليد هو الكبير عبدالله أكبر من أحمد يشتغل مهندس معماري تبع الأمم المتحدة لشؤؤن الأنسانيه

ريم : بس يعني ماشفتيهم مارح يجون وتغمز لها ملكتك
ياسمين : لا مدري

ريم : لا شكلهم وسطوا بوبدر لهل المهم بس الصراحة ماودك تشفينهم
ياسمين : بصراحة حيل بوبدر وأحمد مو طبعيين كيف الباقي

ريم : هااااااااا أستحي أنتي بعصمت أخوي لاتغزلين بحدا ألا هو
ياسمين تدزهااا لين طاحت من السرير: لايكثر عيال عمي مثل أخواني


...............................................


أتفق بو محمد مع عيال عمها بوبدر وأحمد على الملكه بعد اربعت أيام والعرس أخر الشهر صح اعترضت ياسمين بس بوبدر أقنعها أنه أحسن لانا لو أضطروااا يجلونها شهرين بيأخذونها معهم وأنه قعدتها مع أهله بومحمد مو حلوه الناس عذرتهم وماراح تعذرهم المرة الثانية فأنتقلت معهم لبيت عمها ليوم الملكة بعدها ترجع معها وأخر الشهر عرسها لانهم مايقدرون يتأخرون أكثر من كذا


أحمد مرتخي على الكنبه ويطالع أحد المسلسلات الخليجية : صدق زمن عن مسلسلاتنا يأخي أحس بالوطنية وأنا أشوفها تخيل
بوبدر : لأنك خبل

أحمد يلف عليه ويشوفه للحين على الصفحة نفسها : بوبدر وش فيك من صباح ربي وأنت ماسك هالكتاب وماقريت منه حرف
بوبدر :عادي قرأيتي متانيه

أحمد ويتعدل بجلسته : لا يكثر قول وش فيك
بوبدر : اليوم أتصلوا فيني يوسف وقال أنه وليد أفرجوا عنه المتمردين وهو ألحين في كيت تاون
أحمد : الحمدالله هذا خبر يضايقك

بوبدر بتوتر : لا بس يوم رحت له وقلت بخبر بنت عمنا طلب مني أن أروح وأسأل عن الولد وأنطره لين يطلع
أحمد وقف بحيله : نعم ليه أنشالله تقول عكس هالشي

بوبدر : ياخي هدا كافي الي فيني قلت يمكن يطول مثل السنه الي طافت قعدوه عندهم سنه وأربعة أشهر وهو مقتنع بالمبدأ يعني ماراح يعارض أني بزوج البنت نظل حتي عيال عمها وحرام نقطع بنصيب البنت

أحمد : لا والله أسمع أنا مالي دخل يوم يجي وليد أنت المتصرف بكل شي
بوبدر : أف يا رخمة مسرع غيرت رأيك

أحمد : أنا ماغيرت بس كنت أتوقع وليد موافق بس الحين لا ياخي وليد مايحب حدا يستغفله ولا نسيت ناتال
بوبدر : ياخي وش جاب طاري الموتى
أحمد : لانا بنلحقهم

بوبدر : مو لهدرجة وليد عنده علم حتى طلب مني أسال عن الرجال يعني ماراح يعارض الرجال ماينعاب
أحمد : الله يستر بس

بوبدر :ثانين الملكة بكرة وهو في كيت تاون لين يتشافي من جروحة ويطق تذكرة تكون البنت تحت عصمت رجال وهو عاد يواجه

أحمد : قسم بالله ماهقيتك كذا بس وليد ماراح يلوم حدا الا أحنا ومالي الراعي ألي أن ينطر حكم الوالي


كـــــــانت ياسمين فغرفتها فوق ولاتدري بلي يصير تحت عند عيال عمها ترسم أحلامها خلاص من بكرة بتكون ملك أنسان يحبها وهي تحبه وقفت على هالكلمة الأسابيع ألي فاتوا تفسرها هي تحبه تحسه بفارس أحلامها لا تحس بمشاعر وحده تشوف واحد يحبها وتستحى ترده محتاج حدا تعرف صدق مشاعرة والحب ألي يامه تحلمت فيه يهزها ويلخبط كيانها أنشالله تلقاه عند محمد بعد الزواج وصارت تدور على روحها وهي تضحك تتخيل شكل محمد زواجها وأبو عيالها



المغرب :
جواهر : ها يمه شصار على المعازيم بكرة
الخالة مريم : ماعزمت ألا هلي وهلي بومحمد وبعض أصدقائنا وأنشالله بزواج ماني مخليه حدا
ريم وهي حاطة زيت بشعرها : يمه يالله مدي على ميتين

الخاله مريم : شنو متين ليه عروس
ريم : ألا أحلا عروس يمه هذا هي الأسعار ألي يبي العدل والكشخة

الخالة : وش فيه مكياج البيت وشحلات مكياجك قدام هالخرابيط حقت المشاغل
ريم : المهم تعطيني ولا أروح لأبوي

الخالة مريم وهي ترضع هنادي : لا أبوك كافي الذبايح وأستقبال الرياجيل روح خذيه من جنطتي اليد
ريم وهي تبوس هنودة وأمها : تسلملي أم الكرم وتطلع لغرفتها تغسل هالدهن المالي رأسها


على طلعتها دخل محمد على أمه وغترة مسويها حمدانيةوكم ثوبه رافعه وشكله مهدود
الخالة مريم : يعطيك العافية وأنشالله نتعب بعرسك
محمد وهو يدنق على رأسها : قريب أنشالله

الخالة مريم : ها يمك عدلت المجلس الكبير
محمد وهو يرخي جسمه : اي أنا بعرف أبوي ليه مصر يعزم هالامه هذا ملكه مو زواج
الخاله مريم : ليه يمك أنت فرحت أبوك ولو الشور لي كان سبعة أيام بليليها

محمد : الله يطولي بعماركم وتشيل حفديك بدال هالبطه
هنودة تدم لسانها محمد : ياكبر ألي يشرب من الميمه يابنت عمرك سنتين أستحي

جواهر : حرام عليك توها صغيره العادة الأطفال ما يهدونها ألا بو ثلاث سنين وأكثر بعد
محمد : لا مو صغيره وقام يأخذ المميه منها وهي ويوم شافت وقف هااك صياح

الخالة مريم : حمود وخرا عنها خلتيها تشرق بحلبيها ومحمد مايهمه يجرا المميه والبنت تزيد بكي
جواهر : محمد خلها حرام عليك بكره نشوف عيالك وش تسوي معهم

محمد وقف يضحك وتخيل عياله من ياسمين ردا وأسترخي على الكنبه على الفكرة : أصل عيال غير أذا أمهم ياسيمن أكيد غير
جواهر : لو داريه كان جبت سيرتها من أول يمه شووفي وجه بعد يضحك
الخالة مريم : الله يديم السعادة عليك وأشوفك وياسمين وعيالكم حواليكم




نهااااية البارت ..............................

تتوقعاتكم هل بتم الملكة ولا لا وأذا تمت هل تحس ياسمين بالحب تجاه محمد ولا هي أوهام تخيلتها وعاشتها

رد : رواية &^^ هزمتني همسه من شفتيها^^& رروعة لاتفوتكم
الفصل الرابع :


من عيوني هلت دموع العذاب .:. وصارت العبرات تنزل عالخدود
وابتدت دنياني من شفتك سراب .:. اتبعه وأظن له عنك حدود
وانتهت زفرات عمري بالغياب .:. من وفاتي قبلها الأيام سود


الساعة 8.00 مساء
ياسمين والفرحه مو بسايعتها رفيقت عمرها بدرو عندها
ياسمين : خلاص يالبدري
بدرو: شنو خلاص لا حبيبتي قولي السالفة من أولتها يالله بسرعة

ياسمين : شقول مافي شي أمه خطبتني وبس وبكرة الملكة
بدور : لاحبيبتي مو علي يالله بسرعة شلون جبتي رأسه

ياسمين تضحك :هههههه خروف هو جبت رأسه عادي
بدور بنص عين : عادي ها أقول أخلصي بالموت جيتك وأخرتها تكسفيني

ياسمين : ألا صدق وشلون أمك رضت قبل يوم أمي موجوده تعي والحين مو بيتنا وبعد ساكنه مع عيال عمي
بدور وبداخلها مستانسه أول مرة ياسمين تذكرة أهلها ولاتتكدر وتنهم : توقعي
ياسمين : بدورر خلصي داخله مسابقة أنا

بدرو : يمي على دمك الخفيف كل الموضوع أنا سيف طلع رفيق هذا وش أسمه أيييييييي عرفت أحمد
ياسمين : أحمد ولد عمي وشلون وين شافه ولدعمي طول عمرة بأفريقيا وأخوك الخفجي ماطبها

بدرو :خخخخخ لاحبيبتي أخو أبن بطوطة الموضوع انه يعرفة بأيام الداسة يوم كانوا بفرنسا
ياسمين : يحليله سيف ومن متي يعرف السفر وأوروبا مرة وحدة لا تتطور

بدرو : أقول أنطمي لاأهفك كفك يعدل خشتك وش شيفتنا متخلفين صح هلي لايعرفون السفر ولا حتي المطار بس يؤمنون بأهمية العلم لذلك راح يدرس وهو مو اقل من غيرة

ياسمين : سبحانه سيف الي السالمية مايدلها مرة وحد فرنسا أتخيل شكله يوم ركب الطيارة اكيد اغمى علية
بدور : أقول مصخيتها أنكتمي وقولي بسرعة وشلون ومتي طحيته في هواك
ياسمين وأيدها على فمها : أمممممممممممممممممممم
بدرو : شنو أممممممم بلا مصاخة تكلمي

ياسمين : وشلون أتكلم وأنتي تقولين لي أنكتمي سكتت يوم شافت عيون بدور قلبت حمره من التعصيب <<<<<<أدري دمي خفيف المهم للسر مكان

بدور ولاصقة فيها : مكان وبعد مأثث قولي يالله
تخبرها ياسمين عن تصرفات محمد معها من أول ما سكنت معهم الا اليوم الي خطبها فيه
بدرو : ياربي لاتحرمنا تكفين مافي منه أثنين أبي واحد

ياسمين : أعوذ برب الفلق يمه من عينك
بدور : ماني حاسدك بس صدق عيال عمك رياجيل كذا خذوا رأيك وافقوا
ياسمين : أحمممم طبع حبيبتي عايلتنا تؤمن بحرية الرأي وأختيار حياتك

بدرو : ماشالله أنزين بيرجعون لجنوب أفريقيا ولا خلاص بيقعدون هني
ياسمين: الي فهمته من بوبدر أنا بعد وحمر وجهااااا عرسي بيسافرون

بدور : لا تكفين لاتشبين علينا المطافي هالأيام تطول عاد من يطفيك
ياسمين : هههه وسكتت راحت بأفكارها ألا اشغلاتها هاليومين

بدور : هييييييي وين رحتي ولا عند حبيب القلب
ياسمين تطالعها بنظرة غريبة : خايفة
بدور : خايفة من شنو

ياسمين : خايفة أصحى بكرة وأشوف كل شي صارلي الأسبوع ألي فات حلم خايفة عيال عمي خايفة من محمد وحب خايفة من نفسي ومشاعري
بدور: وحدة وحدة مافمهت ليه الخوف أنت مو واثقه بعيال عمك وكلمتهم ولا بمحمد وحبه

ياسمين : أييي بس خايفة من كل شي حولي حلو يعني عشت 8شهور والمأسي تتكرر علي يوم ورا يوم وفجأة ألقى واحد يحبني حب خوفني من قوة مشاعرة وكمل عليها عيال عمي وحرصهم على راضي خايفة أن كل شي حولي كذبه وبصحي منها قريب


بدور : يابنت الحلال أذكري الله ولاتخلين الشيطان يوسوس عليك أقول يوم خذيت منك الأخبار الحلوة قومي معي
ياسمين : وين
بدور وهي تسحبها : بعد وين أبيك تعرفين على عيال عمك مبين عليهم رزة وحنية من كلامك
ياسمين ويدها على خصرها : نعم مابقي ألا هي يابنت أستحى وهذا وأنتي كلية الشريعة

بدور : لاإله ألا الله كلتيني من قالك اني بروح لهم لا حبيبتي أبيك تعرفيني عليهم من الدريشة
ياسمين : الدريشة
بدور : أي أنا يوم جيت قعد سيف فالخيمة المكشوفة بالحديقة عاد المكان مكشوف ونقدر نشوفهم من فوق يالله تكفين قبل ما يناديني سيف


ياسمين : أنا بعرف من الغبي ألي دخلك الشريعة أنتي الأعلام ويالله بنسب لهم محترمه بس بشرط تحضرين ملكتي بكرة
بدور : هيييييي اولا انا أم السنع والأخلاق ثانيا طبع أذا ماحضرتها أحضر شنو

وراح ثنتيهم للدريشة ألي فالصالة ألي تطل على الحديقة وصح كلام بدور يوم طلع المكان مكشوف لهم
بدرو : لا تقولين أنا هذا أحمد
ياسمين : اي مملوح صح

بدرو : الا يفضخ القلب ياويل حالي وبعد رفيق أخوي لا خلاص
ياسمين : شنو لا خلاص
بدور : خلاص بخطبه وأنشالله يوافق وعرسنا مع عرسك

ياسمين وتهفها برأسها : لايسمعك يالخبله لا صدق طحتي من عيني تركضين ورأ رجال وأنت عيال عمك يدورن رضاك
بدور : أذا مثل أحمد أنا ألا أبي رضاه أسحبت ياسمين بدور وهي تضحك عليها لغرفتها يكملون سوالفهم ألي ماتخلص


.................................................. ..................

.................................................. ..................
بوبدر : تشرفت بمعرفتك ياأخ سيف
سيف : والشرف لي يابوبدر
بوبدر : قلت لي أنك فاتح مكتب أعلانات
سيف :أي نعم

بوبدر : غريبه أحس هالمجال غريب عليكم أو تقدر تقول مستهان منكم أنتم الشباب بذات الخليجي
سيف : تقدر تقول شبابنا يعتقدون أنه أذا بيفتح مكتب لازم يكون يا أستثمار او محاماة أو مجالات أخري كالهندسة والتصدير والتسويق أم الأعلانات قليل جدا وأكثرهم من الأجانب

بوبدر : بس شي طيب هالفكرة وأنا بصراحة أهنيئك عليها وهذا مايدل الا على عقلك المتفتح والذكي
سيف : لاالموضوع مايستاهل ذكى كل السالفة وقاطعة أحمد

احمد : اقول لا تتميلح عند أخوي الفكرة كانت فكرتي وبعد لو مو حنتي وافكاري الخطيرة كان فتحت لك مكتب خدم
سيف ووجة أنعفس : أنت الخير والبركة
بوبدر وبيردها لأخوها ولمزح الثقيل : لايهمك أخوي وأعرفة ثقيل دم ويرمي الحكي ولايدري وين
أحمد : اقول لاتتدخل أنا وسيف ننجاز لبعض


سيف ويعرف خبال أحمد بس مو قدام أخوه الكبير : بوبدر الخير كلة ورأيه تاج على راأسي
أحمد وهو متنسد و رايق حده : أنت الخسران وتراه منقب عن نفط يعني ماينفعك وزيادة ماعنده بنات ألا أذا تبي تنطر 20سنة لين يجب بنت وتكبر وتتزوجاه

سيف : كافي لي القعدة معه تسوي عندي القعدة مع أمير
أحمد : لايكثر بس

الســــــــــــــــــــلام عليكم


سيف : وعليكم السلام سكت يوم أنتبه بعيون أحمد وبوبدر ألي شوي وتطير على الرجال الواقف عند الباب ماكانت ملامحه باينه لين كان نصه داخل ووجه على الظلام
بوبدر وهويدنق على رأسه بصوت يملئه المفاجأة والتوتر : الحمد على السلامة

يتقدم الرجال لنص الخيمة تيبس سيف بمكانه عمرةماشاف مثل هالرجال تحس بالرعب والهيبئة يوم تشوف كان طوله مناسب بس ملامح القسوة والجروح الماليه وجة تعطي طابع بأنه توه خارج من حرب لفت نظرة

احمد ألا طول عمره ونظرت السخرية بعينه شافه خوف وتوتر مثل بوبدر سيف بخاطره : من هالرجال ألي أشوف الخوف بعيون ألي حولي منه" قطع تفكير صوت أحمد يتحمده بالسلامه وكنه فهم شي من ألي

حوله بس ما أستمر دقايق ألي تغلبة الحيرة عليه من تصرفاتهم ليه الخوف منه وهو اخـــــــوهم

أحمد : الحمدالله على السلامة ابو خالد ليه ما علمتنا علشان تستقبلك
وليد وللحين واقف بصوت ثقيل : مايحتاج ماني غريب لف على سيف ألي من لمح نظرتة وركبه تتنافض

وليد : السلام عليكم
سيف : وعليكم السلام
أحمد وحس بخويه وتوتره : أعرفك صاحبي سيف اعرفه من أيام دراستي بفرنسا

وليد يتقدم له ومد يده : أهلا وسهلا تشرفنا

فز سيف من مكانه صافحة وقعد يتمقل فيه وفي الجرح ألي قاسم وجه نصفين كان عبارة عن جرح سكين جاي من أعلا الجبهة لين خدة يوصل للفكه حس بحرارة يده وعرف أن الرجال يعني من حمي بس غريبه
منين جاي أنتبه سيف على نفسه يوم تحرك وليد وقعد على أحد المطارح الموجوة بتعب


بدا الأخوان يتحمدونه بالسلامة ويسألون عنه وعن الأهل هناك عرف سيف أنه توه جاي من السفر عكس ماتوقع وأنا توه طالع من السجن
وليد : الأهل كلهم بخير وشلون الوضع هني

بوبدر : تمام مثل مو وصيت بس في شي تجدد علينا
وليد بأنتباه : شنو
بدأ بوبدر يتكلم معه بصوت واطي مما أوحي لسيف بوجوب الأستذان وأنه يترك الأخوان بحريه
سيف : يالله أستذن وتشرفت بمعرفتك أخ وليد

وليد وهوللحين جالس بمكانه : يهلا ومرحبا
وصل أحمد سيف وبعدها طلب من الخدامة تنادي أخته له
سيف : ها بتقعد بالديرة ولا بتسافر على طول


أحمد والتوتر للحين باين عليه : ألحين ماتوقع بس متي ماتجدد شي أعلمك
سيف : خير أنشالله يالله بيننا أتصال
أحمد : اوكي


..................................................
ياسمين : يعني بتروحين تو الناس
بدور : مو ودي بس أكيد سيف عنده شغل أنشالله مرة ثانية والعمر قدامنا مدامك فالديرة بترزز كل يوم بس خوفي حمودي ينسيك ربعك


ياسمين : مايقدر
بدور : أييي علينا خوفي ينسك نفسك وتدورينها ماتلقينها ألا بالقرب منه
ياسمين وتدززها للباب : أقول روحي يالله أخوك ينطرك قبل ماتخورين علينا بالكلام
وصلتها للباب ياسمين : البدري هذا سيف

بدور : أي حلو صح
ياسمين : لا عادي
بدور : ألا يهبل بس ماني شارهه عليك محمد مالي عيونك
ياسمين : أقول تدلين الباب يالله توكلي ولاتنسين بكرة


بدور : صدق عروس ماتستحي تعزميني على زواجك وينكم ينسوان قبل المرأة لو جابوا طاري عرسها تتنافض وتحبس روحها بالغرفة شهر من الحيا
ياسمين : لايكثر
بدور : أنا بعرف من وين جايبه هل الكلمة

ياسمين : من ريم بنت عمي ناصر ولد عمي أحمد دايم يقولونها وتطبعنا فيها
بدور وهي نازل الدرج الحديقة : أقول ياسمين وسكتت يوم لمحت الرياجيل جايين لصوبها تراجعت لداخل هي وياسمين


بدور : أقول عيال عمك شكلهم بيدخلون انطري معي لين يروحن بعدها روحي
ياسمين : الحمدالله بيأكلونك موسويلك شي روحي يالله

بدور : لا خلنا كذا يدخلون وبروح سكتت ياسمين وعينها علي عيال عمها لاحظت بشخص غريب بينهم مو باينه ملامحة بسبت الكاب النازل على وجه

أما بدور فكانت الرؤية واضح لأنها على يمن الدريشة المطلة على الحديقة : أقول ياسمين من هذا الرجال الطويل
ياسمين : هذا مدري بس موطويل يعني زين طوله
بدور: ألا طويل بس يمه شكله يوحي بالخوف يممماااااا

ياسمين وقلبها يرقع من هذا الي مع عيال عمي : وأنت شدراك أنه يخوف تعرفينه
بدور وشوي تدخل بالجام : أقول اسحب كلمتي وجه ألحين قريب يمممه كل جروح يايييي شكلة توه طالع من حرب ولا سجن بس حرام ملامحة حلوة والجروح هي مشوهته


ياسمين : أهبي مداك تقزيننه ومسرعة حللت شخصيته
بدور وتلاحظ دخولهم للديوانيه الداخليه : أقول نكمل حكينا بعدين تأخرت على سيف بس شوفي لاتنسين تجيبلي خبره وأموت وأعرف شنو حكايته

ياسمين : تكفين يالواثقة أنا يالله أرد سلامهم تبين أسألهم عن واحد من ربعهم
بدور وهي ماسك الباب بيدها : أقول لايكثر على قولتك هدت يدت الباب وقربت منها : ياسمين وش فيك
ياسمين وهي للحين ماسكه البرده بيدها : عادي وش فيني

بدور : لا ونظرة الخوف هاذي أنت تعرفين هالرجال
ياسمين : أقول بلا تحليلاتك الفاشله شكو الرجال وثانيا من قالك أنا نظرتي نظرة خوف يمكن نظرة تفكير
بدور : مو علي يارفيقت عمري بس قلبي يقولي أن هالرجال ألي كل جروح السبب أنت تعرفينه لايكون واحد من عيال عمك


ياسمين والخوف سرى بجسمها من طاريه ماتدري ليه : لا متوقع
بدور : وانتي شدراك المهم أدق بكرة ونشوف يالله مع السلامة


ياسمين : مع السلامة مشت وهي تحلل فكرة الخوف ألي أحتلت جزء كبير من روحها كانت بالأيام الي فاتت نست مشاعر الخوف والحزن الي أحتلتها فترة من الزمن لين نستها البسمة يوم تعودت على الأمان والضحك رجع هالشعور يعذبها ويحسسها بالضعف والهوان ليه رجع الخوف يسكن قلبها ليه أستغفرت ربها ومشت للغرفتها دعي ربها يرحمها ويطمئن بالها ويسر أمورها


.................................................. .......

.................................................. .......
محمد : ريم يالله ماصار أنا أخوك
ريم : لا أثقل الثقل زين
محمد : وجع هذا وأنا بعد مطلعك ترديني يابنت بس دقي بسمع صوتها
ريم : حتي نو وي أثقل بكرة تكون ملك وسوى ألي تبي

محمد : قسم بالله أذا مادقيتي ألحين
ريم : يمه منك خلاص بدق بس شوف كل دقيقة تسمع صوتها لي 10 دنيانير
محمد : أبشري يالله

ريم : صدق الي قالو الحب يذل بسرعة وافقت وقبل أطلب دنيار تعي الله كريم وخذت التلفون تتدق عليها دق ودق ودق ومحد رد
محمد : وش فيك

ريم : ماترد
محمد : حاولي مرة ثانية يمكن تكون مشغوله عنه يالله
ريم : أفففففف صارلي أربع مرات خلاص متي ماشفت رقمي بتدق على وأقولك وراحت تقعد على الكمبيوتر
لفت على اخوها الي يطالع التلفون بنظرة غريبة


ريم : خير وش فيك قاعد
محمد : بنطر يمكن تدق


ريم وقلبها عورها على أخوها ماتوقعت بيوم أن بتشوف هالضعف فيه لانه ما سمع صوتها ولا شافها أسبوع لايأكل مثل الناس ولا يقعد : يأخوي ريح بالك هانت بكرة وتكون ملكك حقك محد له دخل وسوى ألي تبي

محمد يمسح على جبهته بتوتر : المهم أذا دقت أنا بغرفتي جيبه أوكي وطلع وهويكلم نفسه والخوف يسري بجسمه " ليه الخوف ها بكرة بتكون لك ياربي هونها على أحسك ياسمين بعيد عني بالحيل مدري ليه قبل كنتي جنبي وما أشوفك أيام بس أحس بأنفاسك بالبيت وروحك بيننا


على حبك أنا باقفل أبوابي
وبطيوفك أنا بأسقي أهدابي
يا انتي يا انتي أحبابي
صدقي .. صدقي .. صدقي
قلبي لك وحدك .. صدقي
ماقوى على بعدك دقائق .. بس دقائق
يا ظلي .. يا داري يا أجمل أفكاري
تظلميني لو تقولي اني عاشق .. بس عاشق
ياللي وحدك تسمعي صمتي وكلامي
ياللي ضيك أتعب همومي وظلامي
صدقي اللي في قلبي لكي اكبر افكار من القصائد والحكي
تصدقي انك أجمل في عيوني من جمالك من خيالك من دلالك
لا يالقلب الحنون .. لا تخلني دقايق أموت من شوقي ولهفتي عليك

.................................................. ..........................
بوبدر : أدري أن غلطت يأخوي وأنت كلامك فوق راسي وأنت قرر وأنا أنفذ
وليد بأستهزاء : ألحين صار كلامي فوق راسك

أحمد : وليد ندري انا غلطانين بس ظنينا أنك بتطول والولد ماينعاب وأحنا ورانا مشاغل والموضوع مايستاهل التأجيل وزيادة البنت موافقه

وليد : لا مخططين لكل شي وخذا نفس وكمل كلامه الولد ماينعاب صح بس الغلط مومنه الغلط منكم يعني مايتحمل جرايركم لذلك أنت قلتوا كلمة لرجال وانا ماني راد كلمتكم والملكة بتم في وقتها بس حسابكم أنتو بعدين

بوبدر أستاهل جبت لنفسي : بتظل أخونا الي مالنا غنى عنه وعن رأيه والدليل انك ماخيبت ظننا أنك بتوافق وماراح تحرجنا عند بومحمد

وليد : بومحمد يستاهل كل خير وزيادة انا بعد حمدت ربي ماتوقعت أني الموضوع بنت عمك بينحل بالسرعة هاذي كنت حاس بثقل الأمانة بس ربك حلها ورزقها رجال أنشالله يصونها وقف وماحس بنفسة ألي ذيك الدوخة تضربة

احمد : وليد عسى ماشرا وش فيك

بوبدر وهو يمسك من كتفة : وليد أنت تعبان لازم نوديك للطبيب
وليد بصوته الحاد : مايحتاج قلت نوم ألحين بتحمم وبصحصح شوي

ومش للدرج كانت ياسمين وقتها عند نهاية الدرج من سمعت صوت عيال عمها ركضت وتخبت ورا أحد عواميد الصاله الفوقية
بوبدر : وليد وين رايح

ياسمين بصوت مثل الهمس : وليد ولد عمي
وليد : خير وش فيك ماني بزر علشان تساعدني

أحمد : وليد الله يخليك خلنا نوديك للطبيب أحسن وجهك مايبشر بالخير
وليد بصوت يهزا البيت : أنتوا وش فيكم مافيني شي ثانيا جهز الأوارق يأحمد
أحمد :أي أوراق

وليد : أوراق بنتنا أنا لو ماصارت الحرب كان ماخليتهم يتمادون ويقررون حياتها بكيفهم كافي ذنب أني تركتها عندهم بس الحين خلاص لازم يعرفون اني لي حق عليها وهي من دمي وأنا الي اقرر حياتها وشلي ينفعها وما ينفعها

ياسمين والصدمة شلت رجيلها: ليه ليه ياربي يوم خلاص الفرح كان بيدي

أحمد : وليد مايسوى البنت تعودت عليهم وحياتهاعندهم أحسن من عندنا ولاتنسي حياتنا صعبه بالحيل
وليد : صعب ولا مو صعب هي بنتنا وأحنا أولى من الغريب فيها

ومشي للغرفته أما بوبدر واحمد كملوا مناقشتهم بالموضوع والحال عكس عند ياسمين الي الأفكار خذتها وجابتها

دخلت غرفتها تبكي : ليه ياولدي عمي تحرمني من الناس الي يحبوني ليه كل هذا غرور وحب التسلط ليه أنا لازم ما اسكت لازم أنا بعد لي حق أني أقرر حياتي وألي ينفعني وما ينفعني وماراح اسمحلك أنك تقرر عني قامت والأفكار السودة مغيمة على عيونها خذت عباتها وجنطتها وطلعت من البيت بدون حدا مايحس فيها ومشت لين ما أوصلت للفرع وأطلبت تأكسي يوصلها لبيت عمها بومحمد



.................................................. .............

بوبدر: أنا بعرف شفيه يعني نسى كيف حياتنا أمنا هي أمنا ما أستحملتها يبي بنت عمرها 5 سنين تستحملها
أحمد : أنا مالي دخل كافي أنه سكت عنا بسالفت ياسمين تبين ارد عليه مالي دخل بنته وبكيفه فيها
بوبدر : شنو بكيفه بيحرمها من أمها علشانها تزوجت وقررت تسكنها عند زوجها يأخي توها صغيره ويوم تكبر يروح يأخذها

أحمد وهو جمع الأواق ألي قدامة الخاصة بحضانة هاجر بنت وليد
بوبدر : والله ظلم يعني وهو وينه وتربيت البنت البنت محتاجه لأمها ليه مايفهم

أحمد : لا تقولي أنا روح قوله هذوه عندك
بوبدر : انا لو اقدر كان قلت بس أنت تعرف وليد اذا قرر محد يرده الي الموت

سكوت يوم شافوا وليد نازل بدشداشة بيضة وشماغ أحمر
أحمد يضحك : لا أرحمنا يابوخالد وش ذا الكشخة عذاب باللبس التقليدي

وليد : وانت ماعقلت سافرت ودرست وتوك بخبالك
بوبدر : ولا تفكر لأخر العمر وليد انت بتروح لهم ألحين

وليد : لا بس أشتقت للبس الدشداشة صارلي دهر عنها ثانيا أبي أكلم بنت عمكم أبي أسمع رأيها وأخبرها عن ورثها ألي ورثته وأبيها بعد توقع بعض الأوارق اخاف بكرة محمد مايرضى أنا نكلم زوجته


أحمد : تبي الصراحة بين عليه غيور بالحيل لذلك ألحق قبل ما يحجر عليها
وليد : على كذا قوم روح نادها خلنا نخلص هالشغل ونرجع جوهانسبرغ

بوبدر : أنا عن نفس ما أقدر
وليد : ليه
بوبدر : نسيت أنا زواجها أخر الشهر وشلون نخليها عندهم الناس وش يقلون أبي أنطر للزواجها والحقكم
وليد : اي صح خلاص انا عن نفسي بحضر الملكة وبروح قعدتي مالها لزوم مطلق والحكي بيكثر اذا جلست اما أنت متزوج وولدك وبنتك عندك فا عادي


أحمد : وش قصدك أشيل قشي
بوبدر :يكون أحسن
نزلت الخادمة تركض وهي ماتشوف طريقهاااا

"بابا بوبدر ماما ياسيمن موموجود"
بوبدر فز من مكانه وهو وأحمد : شنو وينها وين راحت
سنتيا: مايدري بابا

وليد بهدوء : يعني وين راحت أكيد بغرفتهاولا بصالة ولا يمكن عند عيالك
بوبدر : روح غرفة جهال شوفي يمكن عندهم

سنيتا : لا باب هذا بجي نايم بس ماما ياسمين مو موجود

هني مو بوبدر خاف حتي وليد حس ذنب تقصيره بحقها الشهور ألي طافت يعود عليه أقوى وأقصى
دور عليها بكل البيت ما خلا شي حتي السرداب والمخزن أما أحمد فاطلع للشارع استمر بحثهم ساعتين
وليد بعصبية : يعني وين راحت هاااااااااا


أحمد بتوتر : هدا أنشالله أكيد موجودة
وليد يلف عليه معصب : وين دورنا بالبيت بكبره مالقينا لها أثر
بوبدر : أنشالله خير وقعد على الكنبة والخوف شاله "الله يستر"
وليد : يعني وين بتروح هي تعرف حدا

أحمد : يمكن راحت لبيت بومحمد
بوبدر : وش ألي يوديها لهم ملكتها بكرة وليه تروح مدري أختفئها غريب

وليدبجدية :أسمع دق على ريفقك ماتقول أن أخته رفيقتها وأنت شوف بومحمد يمكن يعرفون وين راحت
وطلع للشارع وهو مايشوف طريقة والخوف ذابحة البنت أمانه برقبته وأي شي يصيرلها بيتحمل نتايجة


.................................................. .................

[b][الخالة مريم : ريمووووووووووو

ريم نازل الدرج تدندن " عم يرجف أئلبي يأمي ومني بردانة لليل نهار بحس بدمي نار وشعلانه الهيئه مغرمومه يأأأأأأأأأأأأأمي ومني عرفاااااانااااايييييي وتطق خصر عند أمهاااااااا
لاحقتها الخالة مريم بالنعال على ظهرها : ألي ماتستحين وقدامي بعد

ريم : لاإله ألا الله يمه وهذا أنتي متعلمه وين حرية الرأي
الخالة مريم : تخسين حرية الرأي بهل المساخة ها أنطقي من هو

ريم وتطلق ضحكتها الخبلة : خخخخخخخخخ انا أحب ضحكتني يمه وأنا ويني وين الحب هو شمال وأنا جنوب


الخالة مريم : الخوف منكم يابنات هالوقت ما أقول ألا ربي يستر بثيابك ولا تفضحيني بأخر عمرني
ريم هي تلم امها : لا أفاااااا أنا الريم يمه وش فيك أضحك معك ليه خفتي


الخالة : الله يستر المهم وين أخوانك ماصارهذا عشى سحور أحسن
ريم : أنت ماصدقك حتي الحين تو الناس الساعة 11 العادة نتعشي 2

الخالة : ياويلي صدق مجنن لو أني متعيشة مع رجلي أبرك منكم ياجيل الخراب
دخل محمد على ضحك ريم : وش فيك تضحيكن يالخبلة
ريم : ألحق حمود طلعنا جيل الخراب بنسبة لأمي


محمد : لا زعلتيني يالغاليه وهذا أنتي من جيلنا ولا أخاف أنك من جيل أم كلثوم وأنا مدري
والخالة مريم تقوم عنهم : لا أنت جيت والريم بعد بتقلبون علي اروح لبومحمد أبرك من مقابلكم
محمد : أفاااا يعني حضرت الشياطين خرجت الملائكة

الخالة : زين عرفتوا روحكم
محمد : الله كريم لي الله هذا وأنا محتاج دعمكم
ريم : ليه بتحارب ولا بتشارك في مباراة خخخخخخخخخخخخخخ


محمد : ههههه بايخة لا قلت أكيد بدلعوني يعني أول رجال بهالبيت بيعرس
الخالة مريم تدمع عيونها : عسانا أرقص بعرسك للين أتعب يارب

محمد قام يلمها : لا الغاليه هذا وأحنا توناوشلون لو شفت عيالي بتنقلبين عبلة كامل
الخالة مريم : أمين يارب لاتحرمني من شوفت عيالك
ريم : أمين


رن جرس الباب ولف الكل مستغرب من بيجي بهالوقت
ريم : غريبه من يجي
محمد : الله العالم وراح للباب


الخالة مريم : لايكون طالبين من المطعم
ريم : لا والله انا الي طابخه تشككين بقدارتي ياماما
الخالة تعوج حلكها : يشينها بلسانك



محمد يمشي للباب : جاي جاي
فتح للباب وماشاف أحد عند الباب أستغرب طلع لف علي يمينه محد موجود بيتراجع أنتبه بزول المرأة عند سيارة أبوه مختبيه


محمد يتقدم لها : من هناااااااا
ياسمين بصوت باكي : أنااااا ياسمين


محمد طاح قلب ببطنه : ياسمين
مشت ياسمين بخطوات ثقيله له : أبي خالتي مريم وبكت


محمد الصدمة شلته تفكيرة وزيادة بكيها حس بالفرح بشوفتها كان طول الأسبوع يبي يسمع صوتها والحين يشوفها وتبكي عنده
محمد : تكفين طلبتك لاتبكين


ياسمين : أبي خالتي
محمد : هدأي يالغالية وتعالي داخل مشت ياسمين ويوم دخلت الصالة تبلمت الخالة مريم وريم وماحسوا الا ترمي روحها بحظن خالتها تبكي لفت ريم على أخوها مستفسرة رفع له أكتوف انه مايدري وعيونها عليها ودها يحظنها ويخفف الحزن بعيونها ويمسح


دموعها بكفه وده وده قربت من ريم : محمد وش فيها
محمد : مدري مدري هي ليه تبكي
ريم وتكست يوم لاحظت عيونه ألي الدمع تجمع فيها بخاطرها : يالله جااالزمان الي تنزل دمعتك فيها يامحمد لأجل حزن البنت الي تحبها


خذتها خالتها للغرفتها تبعتها ريم أما محمد فما أستحمل خوفه وشوق لها مو خلي له عقل يفكر فيه راح لأبوا عسى يخفف عليه

...........................................
الخالة مريم : هدي يابنتي وفهمني شفيك

ياسمين بصياح : خالتي بيحرموني منكم بيأخذني بعيد ماأبي أروح قولي لهم
الخاله مريم : يابنتي فهمني ماني فاهمه من هذا ألي بيأخذك

ياسمين بصوت مخنوق : وليد بيأخذني يقول أنه له سلط علي بيأخذني
الخالة مريم : من وليد


ياسمين والبكي هاد حيلها : ولد عمي بيأخذني بيأخذني

ريم بنرفزة : مايقدر أنت خلاص بحسبت زوجت محمد ومحمد ماراح يخليه
الخالة مريم وفهمت الموضوع : ريم خلاص << ياسمين ياحبيتي الموضوع ما ينحل

بهالطريقة وأكيد أنتي فاهم غلط
ياسمين ترفع رأسها من حظنها : لا سمعته بأذني يقول مارأح أسكت لهم يقرون عني حياتها تكفين لاتخلينه يأخذني تكفين

محد بيأخـــــــــــــذك منااااااااااااا


لفوا على الصوت وشافوا محمد واقف عند الباب وبجنبه أبوه
بومحمد عطاه نظرة يعني أسكت : يابنتي عيال عمك أتصلوا يدورنك أنت طلعتي بدون أذنهم

ياسمين : أي ماراح أخليه يتحكم فيني وجيت لكم أنتو هلي أكثر منه

بومحمد : بس يابنتي أنتي غلطتي تصرفك هذا زاد الأمور تعقيد وأذا على قولتك أنا ولد عمك وليد بياخذك بتصرفك هاذا تبين أنك صغيرة وبيأخذك غصب وبيتحجج لنا أنك مو واعيه ولا تعرفين مصلحتك


ياسمين تبكي : لا ياعمي ماراح تسمحله يأخذني هو غريب عني كيف أروح معه أخاف يأذيني

بومحمد : لا أنشالله وأنا أنشالله بنتفاهم معه طلع بومحمد يشوف عيال عمها ويستفهم منهم
أما محمد فالنار ألي تأكل جوف زادت عليه يوم يسمع بكيها وترجيها لبوه أنهم مايأخذونها
ياسمين وللحين فكرة أن ولد عمها بيأخذها مسيطره عليها رفعت رأسها للمرة الأولي

تطالعه عين بعين بدون غطي ولا شي: محمد لا تخليهم يأخذوني أنا مالي غني عنكم
محمد وكل جزء بجسمة تضرب يحس بحرارة تسري بجسمه من نظرتها ألي كلها ترجي

محمد وبقوة الحب في قلبه : هي كلمة يابنت عبدالعزيز هي كلمة أنتي لي وبتظل لي طول العمر وطلع وتركهم صح كلمته مو بوقتها بنسبه للي حوله بس حب يبن لهم أحقيته لها وملكيتها بعد ما حس أن عيال عميها بيخلفون بوعدهم له


.................................................. .........................
بومحمد : يابوخالد البنت ظنت هالشي ومن خوفها جتنا


وليد بعصبية : حتي لو كان صح ما تترك بيت أهلها وتطلع بهالليل لو صار لها شي كان من يتحمل مو أحنا
بومحمد عارف غلط البنت : البنت حركتها عواطفها
وليد : المهم وينها


بومحمد : أنشالله ألحين بناديها
طلع بومحمد يناديها
وعلى طلعته دخل محمد بعصبية وصوت عالي : ماهيقتها منكم ياعيال بدر
وليد طالع بنظرة :خير وشيفك تصارخ

بوبدر وعارف أنه وليد معصب من تهور بنت عمه : يامحمد مو وقته ألحين
محمد : الا وقته أنا جيت من الباب وعطتوني الجواب بس يجي أخوك يقلب كل شي علشان غرروة فالا
بوبدر : يامحمد أنت فاهم الموضوع غلط

محمد يقرب أكثر من وليد : أسمع أخوك بوبدر عطاني كلمة بكرة ملكتنا فايوم يتكلمون الكبار الصغار يسكتون
وليد يرفع حاجبة له : الصغار والله محد صغار الا أنت والمجنونة الي داخل
محمد : ما أسمحلك تسبها
وليد ويقرب منه : لا ومن تكون أنشالله
محمد : زوجها
وليد يطالع أخوانه : لا ومن قال
محمد : أخوانك يعني لا تتدخل لف على بوبدرعقل أخوك وعلمه علوم الرياجيل وأن كلمتهم وحده
وليد يلف على أخوه ألي يرجف من الخوف : يالله شلي تنطرة علميني علوم الرياجيل
بوبدر : محشوم يالغالي
لف وليد طالع بنظرة : أسمع ياولد ناصر روح توكل لأحطك براسي



محمد وتوتر يم حس بتصرفات بوبدر وأحمد الغريبه :وأذا مارحت وش بتسوي
وليد : شكلي أنا ألي بروح أحسن ما أفقد أعصابي وطلع وتركهم

تبعه بوبدروأحمد الي طول الجلسه ساكت أول مرة يشوف وليد معصب الي يوم مقتل ناتل بخاطرة: الله يستر لتسير جريمة هنية
.................................................. ............
/b]

[b................................................. . ............

بومحمد: شفتي يا بنتي أنتي فاهم الموضوع غلط وليد موافق على الملكة
ياسمين بتوتر وبتأنيب الضمير على تسرعها : بس هو قال بنتنا وبنأخذها
بومحمد : ألي فهمته من بوبدر أنه يقصد بنته
ياسمين : انزين انا ألحين شسوي
بومحمد : ولاشي ألا أنك تروحين معهم


الخالة مريم : بومحمد خوفي هالشي يلغي الملكة
بومحمد بأطمنأن : لا أنا كلمته وهو ألي مضيقة طلعتها بهالليل أما الملكة ففي موعدها ماتغيرت

ريم : الحمدالله وقفتي قلبي أنا بعرف من وين جتك هاللقافة
ياسمين : منك
ضحكوا بعد لحظات من القلق والبكي ومادروا بلي ينطرهم تحت


نزلت ياسمين مع الخالة وطبعا ريم سابقتهم تموت وتشوف هالوليد
كان واقف عند السيارة ومعطي الباب ظهره وصلت ياسمين عنده مع عمها بومحمد ولف فجأة عليه


كتمت ياسمين شهقة كانت بتطلع من فمها لاحظ وليد تجهم وجها وما غاب عنه شنو تفكر ألحين أما ياسمين ما حست ألا بثقل بجسمها كان وجه بنسبه لها الخوف كله وقفت تطالع بعيون خايفة
وليد : بطولين كذا يالله نروح البيت
ياسمين وبحروف يالله تطلع : مابي


لف بومحمد عليها متفاجأ : ياسيمن وش فيك
ياسمين وتلف على بوبدر وأحمد ألى واقفين بعدها بأميال :مابي اروح معه
بومحمد : ليه يابنتي
ياسيمن وتلف علية وهي ترجف : خايفة

وركبته شياطين الأرض : ولا أنشالله قاللوك وحش
ياسمين وتتخبأ بظهر عمها : مابروح معه خلوني هني خلاص هذا بيتي
وليد : يابنت لا تجنيني أمشي يالله كافي خوفتينا عليك

تقدم محمد منهم والحب معميه : أنت ماتفهم قالت ماتبي تجي يابوبدر شوف صرفه مع أخوك
بوبدر هذا غبي عيى يفهم : ياسمين أسمعي كلام ولد عمك هو كبيرنا وكلمة علينا واجب ننفذها
ياسمين والخوف معميها : مابي

مانطر وليد ثانيتين فسحبها من يدها للسيارة ياسمين صارت تقاومة وتبكي : هدني هدني
بوبدر : وليد خف شوي البنت خايفه

لف وليد عليها وقرب منها حيل : شنو خايفة منه هذا الوجه لاتخافين هذ وجه ألعبت فيه لأيام فتعالي معي أحسن
ياسمين ولاهمها وجه عن قرب يخوف الجروح بكل مكان صارت تبكي وتصارخ : هدني هدني


محمد كانت صدمته يوم عرف أنه وليد كبيرهم خاف من وقاحته معه تخليه يلغي كل شي فسكت يراقب يوم شاف وليد يمسكها حس بالغيرة تنغزة مثل الأبرة وتفجرت يوم قرب منها وحس وشوي يحظنها فما أستحمل وهجم عليه


محمد : أنت ماتفهم هدهااااااااااااااااااا وضربه على وجه لين تراجع خطوتين ومازلت ياسمين يدها بيده سحبها وليد يوم حسها تبي تنحاش وقربها من صدره


بومحمد : محمد تعوذ من أبليس الموضوع ما ينحل كذا ولا رد عليه الغيرة أعمت كل شي حوله وما قدر أحمد وبوبدر يمسكونه هجم مرة ثانية يبيه يبعد عنها وعن قربه منها هجم

علية وما حس ألا وليد ماسك يده ودازه على الأرض وهد ياسمين الي تبلمت من الصدمة صار الدور على وليد الي مارحمه وبد يضربة لين سمع صوت أم محمد تطلبه يخليه
الخالة مريم : هده يرحم الله والديك

أبتعد عنه وركضت أمه وأخته ريم له وهم يبكون ولف على بومحمد الي ماسك ولده وهو يلهث من التعب تعب الأيام ألي طافت زاد علية طالع بومحمد : أعذرني بس ولدك هو البادي ومشى

ياسمين من شافته يقرب لصقت بالجدار قرب منها : تبي تجين معي بالزين ولا أجيبك غصب

ياسمين وتحس بالكره ناحيته : ليه تضربه
وليد : لا كاسر خاطرك حبيب القلب أمشي يالله
ياسمين : مابي وأنت مالك دخل فيني

وليد والتعب زايد من عصبيته : أنتي ألي بديتي فاتحملي فما حست ألا هو شايلها بين أيدينه ومدخلها السيارة صارت تضربه على صدره ووجه لين حس بجروحه القديمة تتفتح علية صاح على أحمد الى كان واقف عند الباب السيارة
وليد: يالله تحرك شتنتظر طار أحمد وركب عند السايق لاحقة بوبدر وحركوااااا للبيت

مقتطفات مـــــــــــــــــــــــن



][®][^][®][ الفــصـــل الخامس ][®][^][®][


رفقا بقلبي أيتها الأقدار ....
فإن قلبي ضعيف لايتحمل الأخطار ..
رفقا بي فقلبي صغير لايتحمل مزيد من الأحزان ...
أتركي لي يوما حرية الأختيار ...
حتى لو أعيش بعدها مكبل كالأموات ....


........

متسند بجسمة كله علة الدريشة خذا نفس طويل تبعة أه أه تبعه عبرات محبوسه وفي جبينه صورتها ألي مافارقته ابد
دخلت علية جواهر : هونها يا أخوي
محمد بصوت تعبان : الله كريم


جواهر ويدها على كتف محمد : لاتزيد على روحك وانشالله تتم الأمور على خير ماتدري يمكن يتم كل شي بوقنه
محمد بأستهزاء :هههه ماتوقع وخذا نفسه بعدها ومشى كم خطوة مكتبه طلع منه رزمة من الأوراق تصل للألف خذها وحطها بصندوق كرتون مزين بالورود الياسمين بكل الألون : أخذي هذا الصنوق وعطيه لياسمين
جواهر بأستغراب : ليه

محمد : بدون ليه خذيه ووصليه باليد سمعتي باليد
جواهر : أنشالله خذت الصندوق وطلعت

وقف يتابع خروج جواهر واول من أختفى طاح على حيله ونفسه مقطوع من التعب صار يتلفت يمين ويسار وهو يهذي ( انت لي ياياسمين لي وحدي انا ومسك رأسه بقوة بيديه وبأقوي ماعنده بد يعصر راسه بين يدينه << محمد وقتها ماكان بوعية الأفكار توديه لوليد وهو حاضن ياسمين عمرة محس بغيرة وحب التملك أكثر من ذيك اللحظة شد على رأسه بقوة أكثر للين حس بصداع وهوان بجسمة كله خفف من قوة يده وحاول يتسند بأي شي حوله لين لقي مسند صغير تسسند علية وقام يخطي خطوه ويرتاح بعدها وصل للمغسلة وفتح الماي البارد دخل فيه ولاهمه البروده الي تنغز جسمة

.................................................. .....................



][/b]