بيضة الارنب

هحكى حكاية و قبل ما هبدأ
ركز ياللا بسرعة معايا
ارنب ابيض و عيونة زرقة
لالا قصدى دى خضرة
و الله ما فارقة
لو شفتوه هتقولوا سفاح
دخل العشة و فيها فراخ
بص بعينة لفرخة و قال
فزى و قومى يا فرخة قوام
هاتى البيضة بتاعتى كمان
ترقدى ليبه ع البيضة بتاعتى
عندك فكرة البيضة بكام
الفرحة قالت مزهولة
البيضة بتاعتك
من امتى و انت بتيض
دى حياتك كلها توليد
بس دى برضة البيضة بتاعتى
فزى و قومى لانتف ريشك
ومن الدنيا راح هقطع عيشك
وقفت تبكى و تصرخ باعلى الاصوات
زاخزتها و قفين حوليها
بيواسوا و يصبروا فيها
قالت ليهم ياللا معالا
ع الارنب اهجموا و ييايا
ردوا و قالوا:-
و احنا برضه قد الارنب
احنا هنبدأ فى مفاوضات
و هنمضى و ياه معاهدات
يادى الخبه
يادى الخبه
دا انتم اكتر من عشرين
من ارنب انتم خايفين
كلمة اخيرة و لازم اقولها
طول ما انتم مش متحدين
و لربنا منتش حافظين
الكل هيستهون بيكو
و الدور بكره هيجى عليكوا
و الدور بكره هيجى عليكوا